Hōe-tô͘ Jī-bú

Niau

Niau sī koai-koai ê cheng-siⁿ, i nā hoaⁿ-hí khú-khú háu, nā sīu-khì hāⁿ-hāⁿ háu, nā ài-chia̍h i chīu niau-niau-háu.

Niau ài-chia̍h hî, bah, niáu-chhú kap chiáu-á, i ū chho͘-chho͘ lāi-lāi ê chi̍h.

Khòaⁿ chit chiah niau teh kā miáu-chhú, niáu-chhú chin kiaⁿ ài kín-kín cháu-khì, m̄-chai ū kā-tio̍h á bô?

Niau teh kā niáu-chhú

Chiáu

Thiⁿ-tiong só͘ pe ê chiáu-chiah. Siōng-tè chhòng hō͘ chia̍h kàu-gia̍h

Chiáu ū nn̄g ki-kha, nng ê si̍t, chin gâu pe, thong ji̍t pe lâi pe khì; ū ê ōe gîm chin hó-thiaⁿ ia̍h ōe pe chin koâiⁿ, kàu khòaⁿ bōe kìⁿ.

Chiáu ê sīu chin hó khòaⁿ chin sóng, àn-cháiⁿ-iūⁿ ōe hiáu choh sīu, chī-chūi-á kà i lí chai mah? Sī Siōng-tè kà i. Chiáu ēng chhīu-hio̍h, chháu-á, koe-mn̂g chhīu-ko lâi choj sīu.

Lūn Chòe Khang-khè.

Cha-bó͘-gín-á tek-khah tio̍h ōe hiáu kia̍h chiam. Put-lūn sī chhiah oê á-sī pó͘-thīⁿ, chòe-saⁿ, sìu-hoe, ta̍k hō ê kang lóng ū i ê lō͘-ēng.

Kám-á lāi tio̍h ū ka-to, sòaⁿ, chiam, chhioh, chiah ê mi̍h lóng piān.

Sio̍k-gú kóng: "Tōaⁿ lâng sái tn̂g tn̂g sòaⁿ."

Lūn Tek.

Tek sī put-chí ū lō͘-ēng. Lâng àu ēng tek lâi chòe í, nâ, láng, chhn̂g, chóa. Tháng ia̍h sī ēng tek lâi kho͘. Tek ū chōe-chōe hō, ū môa-tek le̍k-tek, chio̍h-tek, ia̍h ū chhì-tek.

Hî

Hái-lāi só͘ ū ê hî-pih.

To͘ sī Siōng-tè chòe ê mi̍h

Hî ū chin chōe hō, ū ê tiàm kiâm-chúi, ū ê tī chíaⁿ-chúi. Ta̍k lâng ài chia̍h hî, sī hó-chia̍h, ia̍h chin pó͘. Ū ka-la̍h hî, bé-ka hî, hâng-á hî, môa-hî, liân-hî.

Tah-lo̍h chi̍t hō sī kiâm-chúi, tah-lo̍h sī chíaⁿ-chúi lí chai mah?

To-siā thó-hî ê lâng khì hái nih thó-hî hō͘ lán chia̍h.

Kám-siā Thiⁿ-pē Siōng-tè síuⁿ-sù hî hō͘ lán chia̍h.

Ti-tu

Chi̍t-ê ti-tu ín-íu hô͘-sîn kóng, Chhíaⁿ lí tùi chit-ê îⁿ ê lâu-thui chīuⁿ lâi goán tau.

Hô͘-sîn kóng, "To-sīa, to-sīa, án-ni chīu-sī. Siat-sú góa nā ji̍p lí ê lâi, chīu bōe koh lo̍h·lâi". Ti-tu kóng, "Góa sīuⁿ lí pe kàu hiah koâiⁿ, káⁿ ōe ià-siān. Góa ê bîn chhn̂g chin sóng, chin súi, chhíaⁿ lí ji̍p lâi chia khùn"! Hô͘-sîn kóng, "To-siā, to-sīa, án-ni chīu-sī. Góa ū thiaⁿ-kìⁿ lâng kóng, nā khùn tī lí ê bîn-chhn̂g chīu bōe koh chhíⁿ."

Ti-tu kóng, "Góa put-chí thiàⁿ lí, lí m̄-sái kiaⁿ, góa m̄-chāi tio̍h ēng sím-mi̍h pō͘, chiah ōe hō͘ lí chai góa ū put-chí" thiàⁿ·lí

Taⁿ goán tau ū san-tin-hái-bī, chhíaⁿ lí ji̍p lâi chia̍h. Hô͘-sîn kóng, "To-siā, to-siā, án-ni chīu-sī, góa pá-pá bōe iau." Ti-tu chīu koh kap i kóng, "Lí ê si̍t kim-tang-tang lí ê ba̍k-chiu lāi kiàm-kiàm. Goán tau ū kiàⁿ, chhíaⁿ lí lâi chìo-khòaⁿ". Hô͘-sîn chīu ji̍p·khì. Ti-tu chi̍t-ê sahⁿ-tio̍h, chī kín-kín chia̍h khì.