坂本素魯哉

坂本素魯哉是明治1年9月26（新歷1868年11初10）治高知縣出世个實業家。

伊1885年對高知縣師範學校讀煞了後八做敎職。後來入大阪關西法律學校、1893年卒業。1896年閣對明治法律學校（後來个明治大學）卒業、入日本銀行。

仝許冬伊爲銀行个台北出張所來台灣。1899年、轉入新創立个台灣銀行。1900年出任嘉義出張所長。隔冬1901年、閣做淡水出張所長。

1905年、彰化銀行倩伊做支配人。1913年兼取締役。1914年、出任專務取締役。伊另外閣有 hŏng 揀做台中實業協會長。

1919年伊去做台灣電力株式會社設立委員。仝一冬伊當選高知縣个衆議院議員。1920年、閣做台中州協議會員。1921年、出任總督府總督府評議會員。

其他伊八做過台灣國立公園委員會委員、台中市敎育及市區計畫委員。南海製粉、台中輕鐵、打狗土地、台灣軌道、台中劇場、台灣製麻、新竹製糖會社个取締役等等个職位。

1938年8月初3、伊治台中市大正町个厝腦溢血過身。